Rinoplastika

Rimodelimi estetik dhe funksional i hundës

Rimodelimi i hundës ose Rinoplastika osesiç e njohim tashmë të gjithë, është ndërhyrja kirurgjikale që ndryshon formën si dhe madhësinë e hundës.

Rinoplastika ose rimodelimi estetik dhe funksional i hundës në klinikën DaVINCI, kryhet kryhet nga një kirurg plastik, ndërsa në rast problemesh me frymëmarrjen, ndërhyrja kryhet nga një kirurg ORL (Otorinolaringolog). Ky qasje siguron rezultate estetike në harmoni me tiparet e tjera të fytyrës, duke marrë parasysh aspektin funksional dhe përmirësuar frymëmarrjen. Falë eksperiencës së kirurgëve italianë, Klinika DaVINCI numëron me qindra ndërhyrje të suksesshme të kryera te pacientët e saj për:

Rimodelimin estetik të hundës (Rinoplastika);
Devijimin e septumit (Septoplastika);
Trajtimin e mukozave të enjtura të rrugëve të frymëmarrjes (Turbinektomia);
Trajtimin e sinusitit;
Trajtimin e tonsilitit (bajamet e infektuara).

Operacioni i rimodelimti te hundës ose Rinoplastika

Operacioni i rimodelimit të hundës mund të kryhet për të korrigjuar një dëmtim të hundës, një defekt të saj që nga lindja, kur kemi probleme me frymëmarrjen, apo thjesht për arsye estetike. Rinoplastika apo Rinoseptoplastika është një nga ato operacione estetike që mund të ndryshojë plotësisht pamjen e fytyrës suaj. Rimodelimi i hundës në Klinikën tonë kryhet duke përdorur teknikën e Rinoplastikës me Ultratinguj (PIEZO).

Me këtë teknikë:

Kohëzgjatja e Operacionit: Procedura zgjat rreth 1-2 orë, duke e bërë atë relativisht të shpejtë në krahasim me teknikat e tjera kirurgjikale.
Anestezia: Përdoret anestezi e përgjithshme për të siguruar rehati maksimale për pacientin gjatë procedurës.
Teknika e Përdorur: Përdoret teknika e mbyllur, e cila përfshin prerje brenda hundës, duke shmangur plagët e dukshme dhe duke reduktuar rrezikun e komplikimeve.
Materialet pas Operacionit: Në rinoplastikën piezoelektrike nuk përdoren tampona ose splinte. Përdoren vetëm gipsi dhe shirita steri për të stabilizuar strukturën e hundës.
Garza dhe Mbulesa: Përdoren garza jodoforike për 2-4 ditë për të parandaluar infeksionet dhe për të lehtësuar shërimin. Mbulesa e plotë pas operacionit kërkon afërsisht 5-7 ditë.
Përgatitja para Operacionit: Një skaner CT është i nevojshëm para operacionit për të planifikuar saktësisht procedurën dhe për të vlerësuar strukturat e hundës.
Kujdesi pas Operacionit: Syzet mund të mbahen 60 ditë pas datës së operacionit për të shmangur presionin dhe irritimin në zonën e operuar.

Avantazhet e Piezo:

Saktësi Mikrometrike: Teknologjia piezoelektrike lejon formësimin e strukturës së hundës me saktësi mikrometrike. Kjo qasje zvogëlon rrezikun e gabimeve dhe optimizon rezultatet përfundimtare estetike.
Trauma Minimale në Inde: Duke qenë se teknika nuk kërkon thyerjen e kockave të hundës, trauma në indet përreth, venat, nervat dhe strukturat muskulore është reduktuar ndjeshëm. Kjo rezulton në një procedurë më pak të dhimbshme.
Shërim i Përshpejtuar: Reduktimi i traumës dhe nevoja për prerje të mëdha favorizon një shërim më të shpejtë. Pacientët mund të rifillojnë aktivitetet e tyre të përditshme më shpejt në krahasim me teknikat tradicionale.
Minimizimi i Ënjtjes dhe Hematomave: Falë natyrës së butë të metodës piezoelektrike, pacienti do të përjetojë ënjtje dhe formim të hematomave minimale ose të pakta, duke përmirësuar rehatinë pas operacionit dhe pamjen estetike të menjëhershme.
Rezultatet: Aftësia për të punuar me saktësi të jashtëzakonshme i lejon kirurgut të arrijë rezultate estetike më të parashikueshme dhe të kënaqshme, duke reduktuar nevojën për ndërhyrje korrigjuese.
Reduktimi i Rrezikut të Rishikimit: Saktësia më e madhe dhe rreziku më i ulët i komplikimeve zvogëlojnë ndjeshëm probabilitetin për të pasur nevojë për një rishikim, duke siguruar që rezultati përfundimtar të jetë më i miri i mundshëm që në operacionin e parë.